Ready or not, it’s time to go back to school!!
اكثر صوره معبره لطلاب المدرسة
العودة للمدارس
اثقل احساس يراودني مع هالكلمة! وعوار في بطني!..حتى بعد تعدي مراحل الدراسه لا زال يراودني هالاحساس مع كل طالب يستعد للتسجيل بالجامعة وحوسه على المواد قبل لا تسكر او صعوبة اختيار الدكتور المناسب! وطبعاً الفراره بالحر على موقف تسفط سيارتك فيه!.. عموماً كل المراحل احس فيهم حتى اطفال الروضة وصعوبت اول يوم لهم وفراقهم لأمهم!! ومنظر الاطفال الي يبچون عند الباب هذا بحد ذاته كئيب!!.. بس مايصر مانذكر الاشياء الايجابية اللي نتذكرها مع هالكلمه واللي مرتبطة فيها بشكل اساسي!! اغراض المدرسه!! ايه صج هذا شي الوحيد الحلو وايجابي و كل الطلاب يحبونه! المكتبة هذا الاسم يعني المكان الي يبيعون او يقرون فيه الكتب!!! بس عندنا غير في عندنا نوعين من المكتبات
١- مكتبة الكتب
٢- مكتبة الادوات المدرسية
وطبعاً رقم واحد مهجورة ومو منتشرة واذا موجوده بجمعية تعاونية تكون معزولة و لها باب خارجي كئيب.. اما الثانيه فهي متوفره في كل مكان وكل جمعيه وكل منطقه وكل مجمع تجاري.. طبعاً الكل يجهز تجهيز كامل للمدرسه ومن كثر ما ان التجهيز متعوب عليه ننطر اول يوم دارسي على نار بس عشان نستعمل اغراض المدرسة و بس
هذا الكلام مرتبط بس مع كلمة العوده للمدارس.. لكن اكيد في ذكريات حلوه مع ربعنا بالمدرسه و غيرها*
الله يعين الطلبة ويوفقهم ويسهل عليهم انشالله
2 comments:
EE 9a7! Me Too ba6any y3werny!!
Hi! I could have sworn I’ve visited your blog before but after going through many of the articles I realized it’s new to me. Regardless, I’m definitely pleased I stumbled upon it and I’ll be
book-marking it and checking back frequently!
Forumjove.es
Mercadodinamico.com.br
Pmcompetency.com
Post a Comment